Ciamis Manis Manjing Dinamis

Mars Ciamis Manis Manjing Dinamis

Pakena gawe rahayu

Pakeun heubeul jaya di buana

Ciamis natar udagan

Mapag mangsa datang

Nanjung tur gumilang

Mahayuna kadatuan

Kiwari ngancik bihari

Ayeuna sampeureun jaga

Geusan mahayuna ayuna kadatuan

Ciamis manjang manisna

Ciamis manjing dinamis ...

Pangharepan pangwangunan

Kukuh ajeg pribadi

Raharja lemah cai

Masih keneh kabayang kuring waktu kelas opat SD kuatka peureum benta nembangkeun lagu diluhur. Lagu Ciamis, lagu anu ceuk kuring harita estu ngeunaheun pisan. Lirikna murwakanti tur gampang diapalkeun. Sok sanajan jujur we, loba kecap anu harita kuring teu apal artina!

Naon ari hartina geusan mahayuna ayuna kadatuan?

Da baheula mah can aya Ki Google

Guru kuring ge asa kungsi can nerangkeun deuih!

Ah nu penting mah enak didengar dan kawan-kawan terpesona (tah mun pencitraan ti baheula geus aya, teu kolot teu budak, teu cacah teu menak).

Hayang katingal sagala tiasa,

Hayang kakuping onjoy

Hayang kocap bageur

Hayang  kakoncara cerdas sareng tegas!

Beuhhhh…….