Nitenan nu jadi budak nalimbrung pagawean kuring sok ras kalakuan kuring kanu jadi bapak baheula! sarua sok ngilu ilubiung!masih keneh jelas dina ingetan kuring sok resep mun bapak keur ngetik di imah ngarengsekan pagawean nu teu beres di kantor. Harita mah mesin ketik teh modern. bungah kacida mun diijinan diajar ngetik, tek tok tek tok tek tok....sorolok...tring!kitu sora khasna mesin ketik teh!
Bapak kuring teh basa keur jumeneng mah perenahna mah Juru Tulis Dua, katelah na Ulis Dua! Atuh kuring ge sok kabagean komarana nu jadi bapak! Aef, budak Pak Ulis Dua cenah! Oh enya di lembur (Sukamaju,Cihaurbeuti) mah nepi ka ayeuna kuring katelah na Aef. Sok rada pungah pingeuh urang Sukamaju mun nanyakeun Syarif Thoyibi, ngaran resmi kuring. Lain maksud agul ku payung butut, ngan nu karasa salah sahiji privilege jadi budak Pak Ulis teh nyaeta bisa nonton pilem gratis di baledesa. Tinggal ngajanteng di lawang asup teu lila ge patugas lawang sok nawaran asup!Era tapi nikmat!
Nepi ka kira-kira tahun 1995 mah rutin di bale desa teh sok aya pertunjukan muter Pilem. Pausahaanana ti Banjar harga karcis terakhir sakainget kuring 400 Rupiah. Ti saprak rame tivi swasta jeung VCD jadi jarang aya pertunjukan pilem teh. Rhoma Irama, Barry Prima, Advent Bangun sarta Warkop DKI mangrupakeun bentang pilem nu jadi kameumeut urang Sukamaju. Masih keneh kabayang mun nu boga lalakon datang panonton hempak surak!nu jadi heran tina kacamaata budak harita kunaon mun kaparengan aya adegan panas panonton sok tingcaruit jeung sok disenteran.....
Tidak ada komentar:
Posting Komentar