Ngaletey ieu hate waktu budak kuring nu cikal kedal ucap " Pa, ngan abdi wungkul nu teu gaduh sapedah teh!". Baheula kungsi pangmeulikeun budak teh sepedah, Selamat Bersepeda Nak! ngan ayeuna geus ruksak. Diomean ku akina diganti ku sepeda kurut. Kusabab meureun dasarna kurang hade, eta sapedah teh meusmeus pegat rante...meusmeus kempes. Akhirnya ngumbruk di juru garasi. Teu kagambar sumeresetna batin nempo budak nutur-nutur babaturanana nu make sapedah.
Alhamdulillah anyar-anyar ieu meunang rejeki. Langsung we dibeulikeun kana sapedah. Sakalian hadiah sabab teu lila deui Si Cikal ek di salametkeun. Geus teu kaitung manehna ngagerenyih hayang disunatan. Bismillah we, mudahan aya jalanna tur dilancarkeun ku Gusti Alloh SWT,
Budak kuring kacida atoheunana. Teu sirik unggal usik sesepedah sok sanajan bari diajar puasa ge. Tapi da meureun memang keur geugeut. Ka Madrasah di sepedah, ka masjid oge disepedah. Mudah-mudahan we budak teh jadi budak anu sholeh. Kabagjaan kuring teu eleh ku kabagjaan budak. Nempo budak bagja teh nya kuring ge bagja pisan. Kabagjaan anu susah diteangan bandinganana.
Tidak ada komentar:
Posting Komentar